Den skeive filmhistoria har produsert ei mengd medrivande kjærleiksdrama om den første, totalt identitetsomveltande forelskinga. Noko av den emosjonelle spaninga og empatiske krafta i mange av desse forteljingane botnar i det som også er ei smertefull utfordring for publikum anten dei er skeive eller streite. Nemleg det at det så ofte endar ulukkeleg for hovudpersonane du har identifisert deg med og heiar på.