Kulturredaktør i Morgenbladet Bernhard Ellefsen meiner at det er ei «kulturell fallitterklæring» å byggje på Nationaltheatret i same stil som resten av bygget, og han er redd for at folk skal bli lurt til å tru at heile bygget er frå 1890-talet. Går ikkje det heilt fint at dei blir lurt av det, då? Det er veldig vanleg at kyrkjer er påbygd i mange omgangar, gjerne med fleire hundre års mellomrom. Ofte vil ikkje folk sjå det, men tenkje at bygget er eitt. Slik er det til dømes med fleire stavkyrkjer, men også mange andre kyrkjer.