Arh, kroppen! Den jævelen. Alle er me fanga i kvar vår kjøtdrakt som me må tusla rundt i til me dør. Kanskje hatar du denne drakta di, kanskje elskar du ho, kanskje er du rivnande likegyldig så lenge ho funkar. For min del tenker eg ofte på kroppen. Ja, det er 8. mars i morgon, og viss du no tenker «å nei, ikkje endå meir mas om kropp», har du min sympati. Det er aldri fred å få. Overalt, i feeden, i gatene, ruvande frå svære reklameplakatar: kjente og ukjente kroppar pressar seg fram.