I skrivande stund er det enno ikkje kjent om den nyleg Oscar-prisa «No Other Land», filmen som dokumenterer israelsk militær og sivil fordriving av palestinarar frå Vestbreidda, har fått kinodistributør i USA eller ein distribusjonsavtale med ei global strøymeteneste. Den svært aktuelle filmen frå Yabayay Media er realisert med hjelp av dei norske samprodusentane Bård Kjøge Rønning og Fabien Greenberg i Antipode Films, som har lagt store ressursar i å få filmen ut til eit internasjonalt publikum.