I Klassekampen 14. desember omtalar Guri Melby, filolog og partileiar for Venstre, den tragiske krigen i Ukraina som «den største sikkerhetspolitiske trusselen i vår levetid» og «vår tids viktigste sikkerhetspolitiske sak». Sterke ord. Svære problem. Men meir å seie: Overfor lesarane av Klassekampen, deriblant Guri Melby, vil eg anbefale to aktuelle bøker: «Fem på tolv. En global historie om atomvåpen» av Casper Andersen og Henry Nielsen, med eit oppsiktsvekkande forord om norsk aktivitet på feltet, ved Svein Sjøberg, cand.real. i fysikk, og boka «Biovåpen. Veien til Armageddon», av Stig Frøland, professor i klinisk immunologi og infeksjonsmedisin.