Kvifor lese Atle Kittang i dag? Er han aktuell? Viss det aktuelle er det som gjer seg gjeldande i kulturen, så kan Kittang ikkje akkurat seiast å vere aktuell. Hans stadige tilbakevending til spørsmål om litteraturens eigenart, venleik og paradoksale tenkjemåte, svarer ikkje nettopp på forventningar om aktualitet. Som litteraturvitar og lesar held han i hevd eit estetisk perspektiv som har ein tendens til å måtte vike i møte med meir akutte samfunnsspørsmål.