Sidan 1998 har norsk teater feira seg sjølv med årleg å dele ut Heddapris for framifrå scenekunstprestasjonar. Prisen blir finansiert av Norsk Teater- og Orkesterforening (NTO), bransjeorganisasjonen til teatera. For å skape tilstrekkeleg avstand til oppdragsgivaren, utnemner NTO ein Heddakomité som fastset kriteria juryen skal arbeide etter, og som også utnemner ein fagjury på ni personar. Denne juryen får frie taumar til å reise og sjå teater over heile landet.