Den nordirske dramatikaren Marie Jones skreiv i 1998 framsyninga «Stones in His Pockets», som opphaveleg blei framført som pubteater, men som ganske raskt erobra scener over heile verda. Her heime har det vore i alt åtte produksjonar sidan noregspremieren på Torshovteatret i 2001. Året etter sette Hålogaland Teater det opp som «Stein i lomma» i omsetjing av Ragnar Olsen, og med Ketil Høegh og Kristian Figenschow jr. i dei mange rollene. Det blei visstnok ein kjempesuksess. No set teateret stykket opp på nytt med Ketil Høegh som regissør.