Få ting kan gje ei sterkare kjensle av å vera løfta opp frå bermen enn utsynet frå ein modernistisk klippevilla i California – gjerne med eit «svevande» basseng ut mot horisonten. Mange har vitja slike hus i film og tv-seriar. Få har overnatta i eitt, og no er det kanskje for seint. Fleire av luksusheimane – blant statens dyraste eigedommar – står nemleg i fare for å bli skylt ned i avgrunnen av jorderoderande regn. California er illgjeten for skogbrannar, men i dei første to månadane av året fall det 457 mm regn i Sør-California. Meir er i vente, og guvernøren har sendt ut åtvaring om stytflod og erklært unntakstilstand for over 20 millionar menneske i og sør for Los Angeles, skriv The Guardian. Forsikringspremiar for naturskadar er alt over pipa om du i det heile får teikna polise, da. GK