I ein sommarserie på NRK med Dag Lindebjerg frå 2001 er den gamle Arbeidarparti-politikaren og kringkastingssjefen Einar Førde gjest. Dei reiser med båt frå Fjærland til Balestrand i Sognefjorden i ein flott, gamal båt. «Det har ikkje vore så mykje fritidsbåt i Sogn», seier Førde medan han nyt utsikta. «Kva var det folk dreiv med her, då?» spør Lindebjerg. «Fornærma kvarandre. Jævelskap. Og det kostar. Skal du drive jævelskap mot naboen, så kan du ikkje drive rundt ute på fjorden.»