Vaknar du nokon gong opp og tenker «herregud, no skal det bli godt med ein liten energidrikk»? Ikkje eg heller. Men det er det mange som gjer: Bruken av slik drikke har auka stort dei siste åra, også i Noreg. I 2014 kjøpte nordmenn 17 millionar liter, ifølge NRK. Skal ein tru statistikken frå Bryggeri- og drikkevareforeningen, var talet gått opp til over 68 millionar liter energidrikk i fjor (desember ikkje medrekna – og med tanke på kor stress jula er, kan me sikkert plussa på nokre millionar til).