Studentar på Universitetet i Oslo er testpersonar i eit leseforskingsprosjekt. «Dyplesing» blir det kalla når dei utvalde får pensum på papir og må lesa i fem timar utan tilgang til smarttelefon og pc. At studentar slit med leseøkter som var normale studiedagar for førelesarane deira, har vi mange vitnemål om. Filosof Arne Johan Vetlesen var ein av fleire som starta undervisningsåret 2023 med fortvilte anekdotar om studentar som spør om «heile boka er pensum».