Denne veka er det skrive norsk rettshistorie. To menn som vart utsette for justismord for over 20 år sidan, har igjen vore i rettsmøte om sakene dei begge no er frikjende for: Mannen som først vart dømt, så frikjent for mordet på Birgitte Tengs på Karmøy i 1995, er 27 år seinare framleis offentleg kjent berre som «fetteren». Han som vart dømt og sona lovas strengaste straff for dobbeltdrapet på Stine Sofie Sørstrønen og Lena Sløgedal Paulsen i Kristiansand i 2000, kjenner vi både namnet og ansiktet til.