Er det ein ting som er sikkert, så er det at hertugparet av Sussex kanaliserer tidsånda, som medvitne og umedvitne representantar for samtidskulturen. Ifølgje dei sjølve møttest dei på internett og brukte kvarandre sin Instagram-feed til bakgrunnskjekk før første stemnemøte. Og når dei no deler si private kjærleiks- og lidingshistorie med allmenta, er forteljinga iscenesett som premiumutgåva av ein influensarblogg med nøye utvalde selfiar frå «bak kulissane». Kor 2022 er ikkje det.