TRETTAR OM TRETTEN: Kollapsen i Tretten i august vil koste minst 300 millionar kroner, trur Innlandet fylkeskommune. I eit brev Teknisk Ukeblad har fått innsyn i, bed Innlandet fylkeskommune Samferdselsdepartementet om hjelp til å finansiere oppryddingsarbeid og ei ny bru i Gudbrandsdalen. Samferdselsdepartementet peikar tilbake: – Tretten bru er på ein fylkesveg, og brua tilhøyrer såleis fylkeskommunen, seier statssekretær Mette Gundersen til TU. Ho seier det ikkje er pengar i budsjettet til Statens vegvesen og departementet. Fylkeskommunen seier dei forstår dilemmaet, men at dei heller ikkje har pengar til rekninga. ©NPK