- På snittet av meiningsmålingane så langt i september har Arbeidarpartiet og Senterpartiet ein samla oppslutnad på 25,7 prosent. Det er det lågaste dei har hatt sidan nettstaden Pollofpolls.no starta med oversiktene sine i 2008. Om dette vart resultatet ved eit stortingsval, ville den samla oppslutnaden til dei to partia ha vore den dårlegaste sidan stortingsvalet i 1921. Det var året etter at Bondepartiet vart stifta. Dei greidde berre å stille lister nokre få stader rundt om i landet og hamna ikkje på Stortinget. «Bonde- og fiskerlisten» i Hordaland gjorde det best og fekk 0,14 prosent oppslutnad. Arbeidarpartiet fekk på si side 21,3 prosent og 29 mandat på Stortinget.
Regjering
Dagboka
