Du kan bla til neste sideBla med piltastene

«Sjøuhyret» viser at gjenbruk av mytar kan gje originale kvalitetsfilmar.

I kvalfiskens hovud

BarnefilmfredagGuri Kulås
TIL SJØS: Det er gode miljøskildringar av seglskuteliv i «Sjøuhyret». Og jamvel om dei jaktar fantasidyr, gjev detaljane inntrykk av at dette er verkeleg arbeid. Her ser vi helten Jacob leia åtaket på eit grønt sjøuhyre. FOTO: NETFLIX

Ein forseggjort og eventyrleg forteljing.

(The Sea Beast, USA, 2022)

Regi: Chris Williams

Manus: Chris Williams, Nell Benjamin

Røyster: Karl Urban, Zaris-Angel Hator, Jared Harris, Marianne Jean-Baptiste (Finst også med norsk dubbing)

Sjanger: Animert eventyr

Aldersgrense: 7 år

Lengde: 1 t. 55 min.

Vist på: Netflix

Kanskje kan du vera ein helt og likevel ta feil? Slik filosoferer den unge hovudpersonen Maisie (Zaris-Angel Hator) over hovudtemaet i «Sjøuhyret». Handlinga er lagt til eit eventyrunivers der seglskuter bind land og rike saman, og der liv, handel og velstand blir truga av sjømonster. Maisies foreldre var blant monsterfangstmennene som sette livet til for å halda havet trygt for uhyra. På barneheimen har ho romantisert deira jeger-yrke og det å «leva som heltar og døy som heltar».