Midt mellom skogkledde dalar og snaukledde fjell, over eit vatn der elva renn under Europavegen, var det odelsguten Tarjei Vesaas (1897–1970) skreiv sine glasklåre dikt, romanar, noveller og skodespel. Tarjei Vesaas vart aldri bonde, men dei som har høyrt han snakka, sa at når han gjorde det, kunne dei høyra Telemarksbonden sin tale: langsam, roleg og tenksam. Tarjei Vesaas var ein sky og stilferdig mann, men var også eit nasjonalt ikon, som visste at vegen merkt E134 ikkje berre gjekk til Haugesund, men ut i Europa.