KORRUPSJON: Den tidlegare Nittedal-ordføraren Hilde Thorkildsen (Ap) er frifunnen i lagmannsretten for grov korrupsjon. Det stadfestar advokaten hennar til Romerikes Blad. Dermed kom lagmannsretten fram til same rettsavgjerd som tingretten, opplyser advokat Thomas Skjelbred til avisa. – No er eg berre glad. To samrøystes dommar har frikjent meg. Eg er så letta over å bli trudd, skriv Thorkildsen i ei tekstmelding til avisa. Også den medtiltalte forretningsmannen er frifunnen. Ifølgje tiltalen var Thorkildsen som ordførar involvert i behandlinga til kommunen av saker der den næringsdrivande mannen hadde interesser og eigarskapar.©NTB
Du kan bla til neste sideBla med piltastene
Betre før
Dagboka
- T-bana stoppar alltid ekstra lenge på Tøyen om morgonen. Etter at dørene har lukka seg, blir det heilt stille vogna. Plutseleg høyrer eg trommer i det fjerne. «Young man, there’s no need to feel down». Høyrer eg stemmer? «I said, young man, pick yourself off the ground». Eg kikkar opp frå mobilen min, men dei andre glor framleis ned i sin. «I said, young man, ‘cause you’re in a new town». Når eg endeleg snur meg ser eg sidemannen min, seint i tjueåra, med dårleg isolert headset, lukka auge og hovudet plassert djupt i handflata. Hovudet nikkar opp og ned i takt med foten, som tappar forsiktig på golvet. «There’s no need – to – be – un – hap – py». Kvar strofe resonnerer djupt i sjela hans, og eg unner min nye venn å køyre seg opp med ein god gammal slager før arbeidsdagen.
