Ute i Nordsjøen er det ein kø av containerskip. I starten av juni presenterte Instituttet for verdsøkonomi i Kiel (IfW) tal som viste at to prosent av verdas containerskip venta på å få legge til i dei store hamnene i Rotterdam, Antwerpen og Hamburg. Same institutt hevda også at tre prosent av verdas containerskip låg ved utskipingshamna i Shanghai. Desse containerskipa spelar ein nøkkelrolle i verdsøkonomien. Køen ved dei store hamnene viser at det er rusk i maskineriet i verdshandelen.