Emil A. Erstad
Mørkemann. Mi reise til kristenkonservatismen og tilbake
Sakprosa
Samlaget 2022, 126 sider
Har du høyrt om han som skulle teste om trua var sterk nok til å gå på vatnet? Som overskrifta viser, var han i alle fall kjapp nok i hovudet til å forme retorikken etter realitetane. Emil A. Erstad har sikkert høyrt denne kristne vitsen før. Intern humor er éin viktig komponent i den sterke fellesskapskjensla religiøse forsamlingar kan tilby, eit rikt fritidstilbod til barn og unge ein annan. I «Mørkemann – Mi reise til kristenkonservatismen og tilbake» skildrar Erstad miljøet som gjennom oppveksten var så viktig for han, at han enda som talsmann for kristne som meiner at homofili er synd og at abortforbodet må vere absolutt.
