Sommaren 1998 var visst våt og sur. Eg minnast han som strålande. Eller, det einaste eg faktisk hugsar, er opphaldet på Kortfilmfestivalen i Grimstad. Sørlandsbyen yra av festivalliv, og eit spanande generasjonsskifte var i emning i norsk film. Nytt var det også at nyskaparane kom frå distrikta, ikkje minst frå Stavanger. Hovudprisen Gullstolen gjekk til regidebutanten Pål Jackman for «Benny». Ei sjarmerande og sjølvironisk sjonglering med konflikten mellom kunst og kjærleik, og med naturtalenta Silje Salomonsen og Vegard Hoel framfor kamera.