Kven er Vladimir Putin, korleis tenkjer han og kva vil han? Jamvel om handlingane – antidemokratiske lovendringar, forfølging av og drap på opposisjonelle, korrupsjon og kontroll med media, cyberkrig og brutale militærinvasjonar – gjev svar nok, har spørsmåla halde fram å følgja Russlands president. Få har hatt sjansen til å spørja ut Putin på tomannshand – om livet, politikken og framtida – og no er det vel for seint. Ein som fekk høve til å portrettera Russlands president, men ikkje heilt greidde å nytta situasjonen, var den amerikanske regissøren Oliver Stone.