«Høyrer du oss?» spør ei ung kvinnerøyst gong på gong over sluttbilda i «Myanmar Diaries», der vi ser unge burmesarar forsvinna inn i jungelen. Orda til den anonyme kvinna lyd som ei bøn både til høgare makter og til oss som ser på utanfor grensene til heimlandet hennar. Og, ja, det er uråd ikkje å lytta til dei unge, uidentifiserte filmskaparane, som deler liva sine med oss i denne unike dokumentaren, som nyleg vart prisa på filmfestivalen i Berlin.