SMITTEVERN: 45 prosent – under halvparten – er samde i at styresmaktene set inn rett tiltak undervegs i pandemien. Det kjem fram i Helsedirektoratets befolkningsundersøking, skriv Aftenposten. I aldersgruppa 16–24 år oppgir 23 prosent at dei meiner styresmaktene set inn rette tiltak, medan talet er 32 prosent i gruppa 25–34 år. Berre i dei to gruppene over 55 år er det eit fleirtal som meiner tiltaka er rette. – Dette er tosidig. Nokre av dei eldre seier at tiltaka er rette. Det er viktig å reflektere over. Og tiltaka i seg sjølv må vere smittefagleg grunngitt. Vi må vere opne om dilemmaa når vi vedtek dei, seier helse- og omsorgsminister Ingvild Kjerkol (Ap). ©NPK