RELIGION: Færre nordmenn er medlemmer av Den norske kyrkja, og færre blir døypte, konfirmerte og går til gudsteneste. Talet på medlemmer i Den norske kyrkja har gått ned kvart år sidan 2011 og låg i 2020 på om lag 3,7 millionar, viser tal frå Statistisk sentralbyrå. Det er over 280.000 færre medlemmer enn i 2005, og delen har gått ned frå 85 til 72 prosent mellom 1994 og 2016. Talet på nyfødde som er døypte i Kyrkja, har gått ned jamt frå åtte av ti i 2001 til under halvparten i 2020, medan andelen 15-åringar som konfirmerer seg i Kyrkja, sidan 2007 har gått ned frå 70 prosent til rundt 50 prosent.©NPK