Tysdag skaut og drap politiet ein psykiatrisk pasient ved Bislett i Oslo. Statsforvaltaren i Oslo og Viken har alt varsla tilsynssak mot Oslo universitetssjukehus. Den drepne var nemleg ute på permisjon frå seksjon for psykosebehandling på Gaustad då han i morgonrushet tysdag sprang ut på gata ved bustaden sin og truga folk med kniv. Så seint som i fjor vart han dømd til tvunge psykisk helsevern på grunn av ein liknande knivepisode. Det er snakk om den same mannen som sommaren 2019, under eit psykotisk anfall, knivstakk og skadde ein tilfeldig forbipasserande på ei i bru i Oslo.