JORDBRUK: Tilleggsforhandlingane mellom staten og landbruket, som i september vart utsett av Solberg-regjeringa, har starta opp igjen med Støre-regjeringa. I går var det møte på leiarnivå, skriv Norges Bondelag. Jordbruket krev mellom anna kompensasjon for ein kraftig vekst i kostnadene til handelsgjødsel og byggjevarer. Dette er berekna av Norsk institutt for bioøkonomi til å vere 754 millionar kroner. – Det er avgjerande for bonden at den ekstraordinære kostnadsveksten vi no har oversikt over, blir kompensert. Dei auka kostnadene har allereie ete opp svært mykje av dei inntektsmoglegheitene som Stortinget har føresett i årets jordbruksoppgjer, seier leiar Bjørn Gimming i Norges Bondelag.©NPK
Du kan bla til neste sideBla med piltastene
Danmark
Dagboka
- «Det stemmer jo ikkje at det er så fantastisk å vere i pappaperm». Det seier den danske parlamentarikaren Rasmus Jarlov (44) frå Det Konservative Folkeparti i høve den danske debatten om fedrekvoten. Jarlov, som på eige initiativ tok tre månader med pappapermisjon då sonen hans kom til verda, syns permisjon blei keisamt i lengda. Han gjer det ikkje om att, slår han fast. Men på grunn av eit nytt EU-direktiv får danskane no ei fedrekvote på elleve veker, noko Jarlov meiner vil tvinge menn ut i permisjon og øydelegge fridomen til danskane.
