På Aftenposten si siste meiningsmåling held Senterpartiet fram nedgangen som dei no har hatt på fleire målingar, og får 12,8 prosent av røystene. I dag er Senterparti-leiar Trygve Slagsvold Vedum i heimfylket Hedmark for å drive valkamp, og i morgon går turen vidare til Mo i Rana og Nesna, der han mellom anna skal vitje den nedlagde høgskulen. Regjeringa møtast i dag til budsjettkonferanse. AA
Du kan bla til neste sideBla med piltastene
F**K
Dagboka
- Ungdommane i Framstegspartiet har ein kampanje mot nynorsk i skulevalkampen der dei stiller opp med plakatar av Ivar Aasen og teksten «F**K NYNORSK». Ifølgje ungdomspartiet sjølv er det ein aksjon ikkje mot nynorsk, men mot obligatorisk sidemål. Då reknar eg med dei har minst like mange plakatar med teikning av Knud Knudsen og «F**K BOKMÅL». «Vi er leie av at norske elevar må bruke tid på fag som ikkje er relevante for arbeidslivet», sa FpU-leiar Andreas Brännström til NRK. Då kunne han prøvd arbeidslivet mitt. Eit parti som er så oppteken av norsk kulturarv og norske verdiar, kunne kosta på seg litt meir engasjement for språket bygd på det nederva norske talemålet gjennom hundrevis av år.
