- WWF opplyser at dei har sett på korleis framtida kjem til å sjå ut for norsk gass etter kvart som landa Noreg eksporterer til, aukar eigne klimaambisjonar. – Vi finn at Aasta Hansteen blir eit massivt tapsprosjekt for staten dersom verda lykkast med å nå klimamåla. Det samla tapet for Equinor blir ifølgje WWFs utrekningar 9 milliardar kroner, medan staten vil gå på eit tap på vanvitige 24,3 milliardar kroner, skriv WWF. For Hasselmus-feltet, dersom ein følgjer IEAs scenario for å halde temperaturauken under 1,5 grader, vil staten tape 837 millionar kroner, medan selskapa taper 41 millionar kroner.©NPK
Du kan bla til neste sideBla med piltastene
Fadderen
Dagboka
- Då eg flytta til Bergen og byrja på universitetet, fekk vi vite første dagen at det ikkje var nokon fadrar til oss. Så då stod vi der, ein gjeng historiestudentar midt på gamle Leninhøgda. Vi såg på kvarandre og anten sa eller på telepatisk vis overførte tankane. «Ja, ja. Skal vi ta ein pils, då?» Det regna ein del, så vi sat mykje inne i kollektivet til han eine sunnmøringen og drakk enorme mengder av den billegaste pilsen vi fann og høyrde på svartmetall i akkurat passe høgt volum. Det var den veka eg vart kjent med musikken til Ulver, eit band som prega mykje av det tidlege studenttilværet mitt. Etter ei veke gjekk vi kvar til vårt, og eg såg dei aldri att.
