Etter Begard Reza gjekk ut av Ytringsfridomskommisjonen, har det vore ein interessant debatt om ytringsfridom som har synleggjort heile poenget med kommisjonen – at det i dag finst svært ulike oppfatningar av ytringsfridom i samfunnet som er vanskelege å harmonisera. Kort oppsummert står konflikten om ein skal ha rettigheit til noko (som til å ytra seg), eller om ein skal ha rettigheit i noko (ytringsfeltet). Ein kan formulera det som ein konflikt mellom ytringsfridom og høve til ytringsdeltaking.