Du kan bla til neste sideBla med piltastene

Ulriken

DagbokaMartin Årseth
  • Sju fjell omkransar som kjent Bergen og kanskje litt i overkant mykje definerer sjølvbiletet til dei som bur i midten. Ein kan ta baner til toppen av to av dei, Fløyen og Ulriken. Taubana opp til Ulriken er for tida under oppussing. Eg får følgt det litt på avstand, for eg ser fjellet heimanfrå. Bergens Tidende hadde ein truleg fin reportasje om dei som jobbar i mastene i fjellsida. Eg las det ikkje. Eg har høgdeskrekk, og det var nok å sjå bileta kjapt. All respekt til folk som byggjer ting så store at eg ikkje torer å sjå bileta eingong.