HELSE: Helsebyråd Robert Steen ber regjeringa gjeninnføre råd om to meters avstand. Sjølv har byrådet late vere å følgje opp tilråding frå FHI om det same. – Eg ønskjer no at regjeringa går klart ut og kommuniserer at no er det tometeren som gjeld i heile landet, seier helsebyråd Robert Steen i Oslo. Han meiner det etter kvart byrjar å bli openbert at éin meter ikkje er nok med den frykta engelske virusvarianten. Det muterte viruset står no for meir enn 90 prosent av smitten i Oslo, og det smittar lettare. Derfor er større avstand nødvendig. FHI tilrådde allereie 26. februar Oslo å innføre ein «generell anbefaling om å holde 2 meters avstand der man kan».©NPK