Ein uheldig advokat har uforvarande skapt den beste «koronafilmen» så langt.
Den virale episoden kunne vore henta frå den teknologidystopiske tv-serien «Black Mirror»: Ein anonym advokat i USA blir latterleggjort for all verda idet han stiller opp i eit digitalt rettsmøte iført «kattefilter». Engsteleg oppsperra auge lyste ut frå eit kvitt pusepelshovud, og ein liten, rosa kattemunn proklamerte med desperat mannsrøyst: «Eg er ikkje ein katt!»
