BERGEN: 39-åringen som vart skoten og drepen av politiet i Bergen 21. desember, vart treft i overkroppen tre gonger. Det opplyser advokat Ellen Eikeseth Mjøs til Bergens Tidende. Ho er leiar for Spesialeininga for politisaker region vest. «Etterforskinga har vidare avdekt at det var éin av tenestepersonane som fyrte av skot. Tenestepersonen som skaut, var IP3-godkjent, og det vart nytta pistol. Han døydde som følgje av skota», skriv Mjøs til avisa. Ifølgje politiet var mannen væpna med ein kniv. Tidlegare på dagen vart mannen utskriven frå psykiatrisk sjukehus, der han frivillig var innlagd. Fire betjentar har status som mistenkte i saka. ©NPK