Det eldste mennesket me har funne restane av i Noreg, eit kranium og nokre bein, har me kalla Sol i Søgne. Ho vart funnen ved ein holme, to-tre mil vest for Kristiansand. Der ved sjøen har ho levd, og der har ho døydd. Det var ein hytteeigar som i 1994 fann ein skalle då han dreiv og mudra i bukta nedanfor hytta si. Fagfolk slo snøgt fast at det var ei kvinne, og ho er altså ikkje berre den første sørlandsjenta i historia, men i fysisk forstand det eldste mennesket i Noreg.
Sylfest Lomheim skriv om språk i Klassekampen kvar onsdag.
