FØRSTE: For første gong innstiller valnemnda i Framstegspartiets Ungdom på ei kvinne som formann. Christine Elise Hartvigsen frå Stavanger er innstilt som ny formann av valnemnda føre Fpu-landsmøtet i Oslo 22. og 23. august. – Fleirtalet i nemnda meiner Hartvigsen er den rette til å ta FpU vidare dei to neste åra, seier formann i valnemnda, Bjørn Emil Nesset. I innstillinga får Hartvigsen med seg Martin Jonsterhaug frå Vestland og Stine Jakobsen frå Innlandet som nestformenn. Om ho blir vald på landsmøtet, vil Hartvigsen ta over for Bjørn-Kristian Svendsrud, som har leidd FpU dei siste fire åra. ©NPK