Du kan bla til neste sideBla med piltastene

Forteljing eller fakta

MeldingGuri Kulås
NRA-POSTERBOY: Bernie Goetz vart både kjendis, helt og skurk, etter å ha lemlesta fire svarte ungdommar, som freista å rana han på T-banen. FOTO: NETFLIX Courtesy of Netflix

40 års utvikling mot mediert rettsparodi.

(Trial by Media, USA, 2020)

Produsert av: George Clooney, Grant Heslov m.fl.

Lengde: Seks timelange episodar

Vist på: Netflix

«Dømt av media» er ein tittel som vekkjer interesse. Journalistikkens rett og plikt til å opplysa allmenta står alltid i eit spaningsforhold til juss, personvern og politikk. Det skulle vera nok å minna om dei største metoo-sakene i Skandinavia, VGs sjølvgransking av Bar Vulkan-saka og SVTs kritiske (og kritiserte) gjennomgang av Virtanen-saka. Men den som går til Netflix’ nye dokumentarserie med forventingar om å sjå ein dagsaktuell, journalistetisk grenseoppgang mot heksejakter eller folkedomstolar, vil bli skuffa. Serien er likevel interessant, men i første rekkje innanfor ei amerikansk kulturell og politisk ramme.