Den arabiske våren sende Mohanned Galal frå Kairo til Høyanger. Dataingeniøren og aktivisten vart fanga av spelet mellom stormaktene, skoten av hæren og hamna i Noreg.

Den 25. januar 2011. Det er berre å merke seg datoen, for det har Egypt gjort. Vi hugsar hendingane, om ikkje datoen, for den dagen starta opprøret mot regimet til diktatoren Hosni Mubarak. Hendinga var éi av dominobrikkene i den arabiske våren som følgde etter at den 26 år gamle tunisiske frukthandlaren Mohamed Bouazizi sette fyr på seg sjølv.