Ellen Kristvik hadde opplevd tunge tap og var ekspert på sorgritual. Det hjelpte ingenting då dottera tok livet sitt.

I eit gult hus i idylliske Kampen hageby i Oslo bur Ellen Kristvik. Ved døra inn til stova står ei stor korg fylt av tjukke sokkar til gjester som kjem innom. Stovebordet kan dragast ut og setjast ein klaff i, så det kan romma flokken av ungdommar som kjem på besøk. Seinast i går var dei innom, vener av dottera Johanna, og no vener av Ellen også.