Natt til måndag blir Oscar-prisane delte ut. I eit år der eit fåtal filmar og ditto produksjonsselskap står bak dei fleste nominasjonane, er det einaste verkeleg spanande spørsmålet om Det amerikanske filmakademiet er i stand til å heva blikket frå Hollywood-navlen og gje hovudprisen til Bong Joon-hos «Parasitt». Den sørkoreanske filmen er nominert i den tradisjonelt totalt USA-dominerte kategorien «Beste film» (i tillegg til å vera nominert for regi, manus og produksjonsdesign). Ei slik tildeling ville betydd noko for mangfaldet i filmbransjen og filmkunsten som heilskap.