ØKONOMI: Regjeringa endrar praktiseringa av tilknytingskravet folketrygda har til Noreg. Det tyder at fleire som har budd i utlandet, får rett til trygdeytingar. Arbeids- og sosialminister Torbjørn Røe Isaksen (H) seier i ei pressemelding at endringa er eit ledd i den pågåande oppryddinga etter Nav-saka. – Eg har tidlegare vore tydeleg på at det er ein god sjanse for at det er fleire område der regelverket er praktisert feil. Som ein del av oppryddinga endrar vi no praktiseringa av tilknytingskravet folketrygda har til Noreg, seier Isaksen. Statsråden informerte Stortingets kontroll- og konstitusjonskomité om endringa i eit brev i går.©NPK