I dag skal Stortinget stemme over eit representantforslag frå SV som opnar for å stanse nedlegginga av studiestadane Campus Nesna og sjukepleiarutdanninga i Sandnessjøen, som Nord universitet den 26. juni vedtok å legge ned. Den 30. september vart det gjennomført ei høyring i Stortinget om SV sitt forslag. Då vart komiteen grundig informert om bakgrunnen for den massive motstanden og den omfattande debatten som har reist seg i etterkant av nedleggingsvedtaket. Skal eit fleirtal på Stortinget likevel akseptere det lureriet og sviket som ligg til grunn for at Nord universitet har lagt ned Nesna og Sandnessjøen?