Det var i april 2018 at eg starta å skrive på det som skulle bli boka «Bli mor no». Erna Solberg stod framfor journalistane på Høyres landsmøte, og bad nordmenn få fleire barn. Og der var eg, snart 29 år, midt i gjennomsnittsalderen for å få sitt første barn, ferdigutdanna, i fast forhold, buande i ein liten toroms eg og kjærasten hadde kjøpt. Men også: Midlertidig tilsett, saman med ein ufaglært arbeidarklassemann og bartender. Var det no det skulle skje? Kunne vi få barn, midt oppe i all denne usikkerheita?