Byrådet i Oslo har i budsjettet for 2019 stramma inn tilskotet til kyrkjene i Oslo med ti millionar kroner. I april i år vedtok Bispe-dømmerådet og Kirkelig Fellesråd ein kyrkjebruksplan som inneber at ni kyrkjer blir tatt ut av bruk, som det heiter, eller med andre ord: blir lagt ned. Ei av desse kyrkjene ligg på det som vi i dag kallar vestkanten: Bakkehaugen på Tåsen. Dei åtte andre, Sofienberg, Lilleborg, Iladalen, Klemetsrud, Stovner, Ellingsrud, Romsås og Østre Aker ligg i dei austlege bydelane.