Utspela til forsvarsminister Frank Bakke-Jensen er like larmande og friske som utspela til den no avgåtte fiskeriministeren, men dei er mindre kognitivt tilgjengelege, for å seie det forsiktig. Den fiendslege omtalen hans av Putin og Russland slo inn i norske media som eit veldig karsstykke. Men kva betyr eigentleg det han sa? Eit slags argument var slik: Vi i Norge er ikkje berre litt for folkeretten, vi er heilt for folkeretten. Den rimelegaste tolkinga av uttrykket «å vere heilt for folkeretten» er å innsjå at folkeretten gjeld for alle statar utan unntak. Skuldinga blir då at Russland nyttar folkeretten selektivt.