Det var den store snakkisen i Berlin dei siste vekene: Forteljinga om korleis gata slo tilbake mot rasisme og framandhat. Siste søndag i mai hadde det høgreekstreme protestpartiet Alternative für Deutschland (AfD) planar om å demonstrera i sentrum. Mellom 25.000 og 75.000 motdemonstrantar møtte opp (alt etter om du spør politiet eller arrangørane) og laga ein berlinsk gatefest. DJ-bussar køyrde sakte gjennom gatene med folk dansande etter. Den stort sett ikkje-valdelege markeringa tok merksemda frå dei rundt 5000 frammøtte AfD-sympatisørane som marsjerte med tyske flagg.