«Ikkje kall oss snøfnugg – det skadar vår mentale helse». Den noko ironiske overskrifta verserte i britiske medium før jul. Den viste til ei undersøking der 74 prosent av dei spurte ungdommane visstnok hevda at dei kan bli sjuke av å få merkelappen «snøfnugg» klistra på seg. Denne nedsettande termen kan me som er fødd på 1980-talet og tidlegare bruka om dagens unge: desse liksom-unike, lett krenkbare vesena som er bortskjemde av curlingforeldra sine.