«Utøya 22. juli» er ein rekonstruksjon av hendingane på ettermiddagen 22. juli 2011. Filmen opnar med bilde frå overvakingskamera i Grubbegata, der vi ser terroristen gå frå den parkerte varebilen under høgblokka. Det er nesten alt vi får sjå av han (Han blir heller ikkje nemndt med namn, ikkje ein gong på den kontekstualiserande etterteksten). Det vi får sjå, i ein effektivt kort og velredigert sekvens utan annan presentasjon enn klokkeslettet, er autentiske bilde av effekten av bomba i Oslo. Også det via overvakingskamera og dei første reportasjeopptaka frå åstaden. Ingen menneske finst på bilda.