Dei som lèt seg fengsla av HBOs «The Handmaid’s Tale» kan sjå fram til ei ny Margaret Atwood-serie, no på Netflix. Fredag er det premiere på «Alias Grace», som byggjer på den verkelege historia om ei innvandra, irsk hushjelp i Canada som i 1843 vart dømt for mord på arbeidsgjevaren sin og elskarinna hans. Atwood skreiv romanen om Grace, ei historie som fører både den engelsk-irske-konflikten og sosialt opprør til Canada, samstundes som forteljinga rører ved dåtidas psykiatri og kriminologi. Forfattaren har skrive manus saman med Sarah Polley, og Mary Harron («American Psycho») står for regien.